da: Brindes de Meneghin all’ostaria per l’entrada in Milan de sova S.C.Majstaa I.R.A. Francesch Primm in compagnia de sova miee l’Imperatriz Maria Luvisa – 31 dicembre 1815

Carlo Porta (Milano 15 giugno 1775 – 5 gennaio 1821)

"Alto allon, trinche vain, trinche vain
Portee scià mezz e zain – e peston
Trinche vain, trinche vain, prest, allon"

I brindisi si susseguono elencando anche gli ottimi vini di Brianza:

“Scià on bon fiaa de vinett, ma de quell
Savorii, limped, luster e s’cett
Che se catta sui ronch del Gergnett.
...
Car vinitt del Monsciasch savorii
...
Vuj spassam per la Brianza
Anmò on bott a fa glô glô.
G’hoo el petitt de impì el bottan
Cont on fiôr de firisell
Che se fa in d’on cantonscell
Su la volta de Vedan.
Ah che vin, pader abbaa,
Lìmped, viv e savorii! ...”

“... L’è peccaa, sanguanon, ch’el me venter
Nol sia largh come el fond d’ona tina;
Podarev inscì metteghen denter
De sti fior de siropp de cantina,
Che ghe n’emm propi a mucc, a balocch,
Che a lassai me va l’anema in tocch.
...
Quij grazios – de la Santa e d’Osnagh,
Quell magnifegh de Omaa, de Buragh,
Quell de Vaver posaa e sostanzios,
Quell sinzer e piccant de Casal,
Quij cordial – de Canonega e Oren,
Quij mostos – nett e s’cett e salaa
De Suigh, de Biasson, de Casaa ...”